|
| இரண்டாவது இன்னிங்ஸ் : ஆஸி. 193 / 5 |
| பெங்களூரு (ஏஜென்சி), ஞாயிற்றுக்கிழமை, 12 அக்டோபர் 2008 ( 17:53 IST ) | |
இந்தியா -ஆஸ்திரேலிய அணிகளுக்கிடையே பெங்களூரில் நடைபெற்று வரும் முதல் டெஸ்ட் போட்டியின் இரண்டாவது இன்னிங்ஸின், இன்றைய ஆட்ட நேர முடிவில் ஆஸ்திரேலியா 5 விக்கெட் இழப்புக்கு 193 ரன்கள் குவித்து, 263 ரன்கள் முன்னிலையில் உள்ளது.
இன்று காலை தனது 2-வது இன்னிங்சை தொடங்கிய ஆஸ்திரேலிய அணியின் தொடக்க ஆட்டக்காரர்களாக ஹைடன், காடிக் களமிறங்கினர்.
இந்நிலையில், 12.2 ஆவது ஓவரில், ஜாகீர் கான் பந்தில் ஹைடன் எல்பிடபிள்யூ ஆகி ஆட்டமிழந்தார்.
ஹைடன் 40 பந்துகளில் 13 ரன்கள் மட்டுமே எடுத்திருந்தார்.இதில் ஒரே ஒரு பவுண்டரி மட்டுமே அடங்கும்.
ஹைடனை தொடர்ந்து பான்டிங் களமிறங்கிய நிலையில், அவர் இஷாந்த் சர்மா பந்தில் லக்ஷ்மணிடம் கேட்ச் கொடுத்து ஆட்டமிழந்தார் பான்டிங்.34 பந்துகளை எதிர்கொண்டு அவர் எடுத்த ரன்கள் 17 மட்டுமே.
பான்டிங் ஆட்டமிழந்ததைத் தொடர்ந்து காடியுடன் சேர்ந்து ஆட களமிறங்கினர் ஹஸ்ஸி.
ஆனால் இந்த ஜோடி அதிக நேரம் நீடிக்கவில்லை.44.3 ஆவது ஓவரில் ஹர்பஜன பந்தில் லக் ஷ்மணிடம் கேட்ச் கொடுத்து, 34 ரன்களுடன் ( 3 பவுண்டரி ) ஆட்டமிழந்தார் காடி.
அதனையடுதுத்து களமிறங்கிய கிளார்க், இஷாந்த் சர்மா பந்தில் ஷேவாக்கிடம் கேட்ச் கொடுத்து வெறும் 6 ரன்களுடன் ( ஒரு பவுண்டரி ) ஆட்டமிழந்தார்.
அதன் பின் களமிறங்கிய ஹஸ்ஸி , 31 ரன்கள் ( 3 பவுண்டரிகள் ) எடுத்திருந்த நிலையில், ஹர்பஜன் பந்தில் ஆட்டமிழந்தார்.
இதனையடுத்து வாட்சன் மற்றும் ஹடின் ஜோடி நிலைத்து ஆடி,இன்றைய ஆட்ட நேர முடிவில் 60 ரன்களை குவித்து ஆட்டமிழக்காமல் இருந்தது.
இதன் மூலம் இரண்டாவது இன்னிங்ஸில் 5 விக்கெட் இழப்புக்கு 193 ரன்களை குவித்த ஆஸ்திரேலியா, 263 ரன்கள் முன்னிலையில் வலுவான நிலையில் உள்ளது.
முன்னதாக முதல் இன்னிங்ஸின் நேற்றைய ஆட்ட நேர முடிவில் 8 விக்கெட் இழப்பிற்கு 313 ரன்கள் எடுத்திருந்த இந்திய அணி, இன்று தனது ஆட்டத்தை தொடர்ந்தது.
முதலில் களமிறங்கிய இந்திய அணியின் அணித்தலைவர் கும்ப்ளே 5 ரன்கள் எடுத்த நிலையில் வாட்சன் பந்து வீச்சில் எல்.பி.டபிள்யூ. முறையில் ஆட்டமிழந்தார்.
இதையடுத்து ஜாகீர்கானுடன் இணைந்த இஷாந்த் சர்மாவும் அதிக நேரம் தாக்குபிடிக்க முடியாமல் 6 ரன் மட்டும் சேர்த்த நிலையில் கிளார்க் பந்து வீச்சில் ஸ்டம்புகள் சிதற ஆட்டமிழந்தார்.
ஜாகீர்கான் மட்டும் இறுதிவரை ஆட்டமிழக்காமல் 121 பந்துகளில் 57 ரன் எடுத்திருந்த நிலையில், இந்திய அணியின் முதல் இன்னிங்ஸ் நிறைவுக்கு வந்தது.
இதன் மூலம் இந்திய அணி தனது முதல் இன்னிங்சில் அனைத்து விக்கெட்டுகளையும் இழந்து 360 ரன்கள் எடுத்தது.இதனால் ஆஸ்திரேலிய அணியைவிட இந்திய அணி 70 ரன்கள் பின்தங்கியது.
| | (மூலம் - வெப்துனியா) |
| |
| | | |
|
|
|
|
|
| வார பலன் - மேஷம் : பணப்புழக்கம் அதிகரிக்கும். உங்களை ஏளனமாகப் பேசியவர்களுக்கெல்லாம் பதிலடி தருவீர்கள். சொத்து வாங்குவது... |
| |
|
|
|
|
 | | | காதலில் விழுந்தேன் | | கமலஹாசனின் 'குணா' மற்றும் தனுஷின் 'காதல் கொண்டேன்' ஆகிய இரண்டையும் சேர்த்த கலவையை, புதிய சுவையுடன்... |
|
| |
|
|
|
|
|
| நல குறிப்புகள் - திருமண வாழ்க்கையில் ஆனந்தம் தொடர வேண்டுமா..? தினமும் 4 முறையேனும் கணவனும் மனைவியும் கட்டியணைத்து... |
| |
|
|
|
|
|
|
|
