|
| அஸ்லான் ஷா ஹாக்கி : இறுதிக்கு தகுதி ! |
| கோலாலம்பூர் (ஏஜென்சி), 17 மே 2008 ( 18:51 IST ) | |
மலேசியாவில் நடைபெற்று வரும் சுல்தான் அஸ்லான் ஷா கோப்பை ஹாக்கி இறுதிப் போட்டிக்கு இந்தியா தகுதி பெற்றுள்ளது.
மலேசியாவிற்கு எதிராக இன்று நடைபெற்ற போட்டியில் இந்தியா 2-1 என்ற கோல் கணக்கில் வென்றது.
இதன் மூலம் 6 போட்டிகளில் 4-ல் வென்று 12 புள்ளிகளுடன் இந்தியா 2வது இடத்தைப் பிடித்ததால் இறுதிப் போட்டியில் நுழைந்துள்ளது.
14 புள்ளிகளுடன் ஏற்கனவெ முதலிடம் பிடித்துள்ள அர்ஜெண்டீனா அணியை இந்திய அணி இறுதிப் போட்டியில் எதிர்கொள்கிறது.
10 புள்ளிகளுடன் பாகிஸ்தான் 3 வது இடத்தில் உள்ளது.
இந்த போட்டியை வெல்ல வேண்டிய கட்டாயத்தில் களமிறங்கிய இந்திய அணி, ஆட்டத்தின் துவக்கம் முதலே அபாரமான கள உத்திகளுடன் வேகமாக ஆடியது.
ஆட்டம் துவங்கிய முதல் 20 நிமிடங்களிலேயே, இந்திய அணி 2 கோல்களை அடித்தது. முதலில் பெனால்டி பகுதிக்கு சற்று வெளியே கிடைத்த ஃப்ரீ ஹிட்டை சந்தீப் சிங் அபாரமாக அடிக்க அது கோலாக மாறியது.
அடுத்த சில நிமிடங்களிலேயே 2 வது வாய்ப்பை பெற்றது இந்தியா. இம்முறை மலேசியா பெனால்டி பகுதியில் முறையற்ற விதத்தில் ஆடியதால் இந்தியாவிற்கு பெனால்டி ஸ்ட்ரோக் அளிக்கப்பட்டது.
இதனை சந்தீப் சிங் கோலாக மாற்றினார்.இடைவேளயின் போது இந்தியா 2- 0 என்ற கோல்கணக்கில் முன்னணி வகித்தது.
இடைவேளைக்குப் பின்னரும் இரண்டு பெனால்டி வாய்ப்புகளை இந்தியா பெற்ற போதிலும், அதனை கோல்களாக மாற்ற முடியவில்லை.
இந்நிலையில், ஆட்டம் இறுதிக் கட்டத்தை நெருங்க நெருங்க மலேசிய அணியினர் ஆக்ரோஷமாக விளையாடத் துவங்கினர். அவர்களுக்கு 3 முறை பெனால்டி வாய்ப்பு கிடைத்தது. இதில் 2 முறை கோட்டை விட்டனர்.
ஆனால் கடைசியாக கிடைத்த வாய்ப்பை கோலாக மாற்றும்போது இந்தியா ஏற்கனவே இறுதிப்போட்டிக்கு தகுதி பெற்றிருந்தது.
| | (மூலம் - வெப்துனியா) |
| |
| | | |
|
|
|
|
|
| வார பலன் - மேஷம் : அரசியல்வாதிகள் மற்றவர்களைப் பற்றி விமர்சனம் செய்வதை தவிர்ப்பது நல்லது... |
| |
|
|
|
|
 | | WD |
| | | குருவி | | 'தில்', 'தூள்', 'கில்லி' என 'ஆக்ஷ்ன் ஹாட்ரிக்' அடித்த தரணியின் அடுத்தப் படம் என்று எதிர்பார்த்து பார்த்து போனால் ரொம்பவே... |
|
| |
|
|
|
|
|
| நல குறிப்புகள் - மரணம்... இதை நேர்மையாகவும், எளிமையாகவும், குழந்தைகளின் வயதுக்கேற்ற புரிதலின்... |
| |
|
|
|
|
|
|
|
