|
| அணுசக்தி ஒப்பந்தத்தால் அமளி:பார்லி., ஒத்திவைப்பு |
| புதுடெல்லி(ஏஜென்சி), வெள்ளிக்கிழமை, 7 செப்டம்பர் 2007 ( 13:16 IST ) | |
இந்திய - அமெரிக்க அணுசக்தி ஒப்பந்த விவகாரம் தொடர்பாக விவாதிக்க கோரி பா.ஜ.,உள்ளிட்ட எதிர்க்கட்சிகள் அமளியில் ஈடுபட்டதால், பாராளுமன்றத்தின் இரு அவைகளும் பிற்பகல் 2 மணிவரை மீண்டும் ஒத்தி வைக்கப்பட்டன.
மக்களவை இன்று கூடியதும், முன்னாள் உறுப்பினர் தர்கேஸ்வரி சின்காவின் மறைவிற்கு அஞ்சலி செலுத்தப்பட்டது.
இதையடுத்து பா.ஜ., தலைவர் மல்ஹோத்ரா எழுந்து நின்று, கேள்வி நேரத்தை ரத்து செய்து விட்டு, அணுசக்தி ஒப்பந்தம் தொடர்பான ஓட்டெடுப்பு குறித்து விவாதிக்க வேண்டும், என வலியுறுத்தினார்.
இதை தொடர்ந்து மற்ற தே.ஜ.,கூட்டணி உறுப்பினர்களும் அரசுக்கு எதிராக கோஷங்கள் எழுப்பி அமளியில் ஈடுபட்டனர்.
சபாநாயகர் சோம்நாத் சாட்டர்ஜி, கேள்வி நேரத்தை நடத்தவிடுமாறு எதிர்க்கட்சிகளை கேட்டுக் கொண்டார்.
ஆனால், இதனை யாரும் கண்டுகொள்ளாமல் தொடர்ந்து அமளியில் ஈடுபட்டதால், அவையை மதியம் 12 மணி வரை ஒத்தி வைத்தார்.
இதைத் தொடர்ந்து 12 மணிக்கு அவை மீண்டும் கூடியது. தே.ஜ.,கூட்டணியினரும்,பா.ஜ., கட்சியினரும் மீண்டும் அதே பிரச்சனையைக் கிளப்ப பிற்பகல் இரண்டு மணிவரை சபாநாயகர் அவையை ஒத்திவைத்தார்.
இதே பிரச்சனை காரணமாக மாநிலங்களவையும் இரண்டு மணி வரை மீண்டும் ஒத்தி வைக்கப்பட்டது.
| | (மூலம் - வெப்துனியா) |
| |
| | | |
|
|
|
|
|
| சிறப்பு பலன்கள் - 'ராத்', 'ரங்கீலா', 'சத்யா' உள்ளிட்ட பல வெற்றிப் படங்களைத் தந்த இவர், 'ஷோலே' படத்தை 'ஆக்' ஆக மாற்றி, முந்தைய... |
| |
|
|
|
|
 | | FE |
| | | உற்சாகம் | | நட்பு, காதலாக மலரும் கதை. இத்தகைய வாழையடி வாழையான உற்சாகமானக் கதையில், புதிய வகையிலான இடையூறு... |
|
| |
|
|
|
|
|
| நலம் காக்க - 'வாய்விட்டு சிரித்தால், நோய்விட்டுப் போகும்' என்ற பழமொழி அனைவராலும் ஏற்றுக்கொள்ளப்பட்ட ஒன்று. இதனை ஏற்றுக்கொள்ளாத... |
| |
|
|
|
|
|
|
|
