|
| பாக். அதிபர் பதவிலிருந்து விலக முஷாரப் மறுப்பு |
| இஸ்லாமாபாத் (ஏஜென்சி), வெள்ளிக்கிழமை, 15 ஆகஸ்டு 2008 ( 18:03 IST ) | |
பாகிஸ்தான் அதிபர் பதவியிலிருந்து விலக மறுத்துள்ள முஷாரப், தனக்கு எதிரான கண்டன தீர்மானத்தை சந்திக்க தயாராக இருப்பதாக கூறியுள்ளார்.
பாகிஸ்தான் அதிபர் பதவியிலிருந்து முஷாரபை நீக்கும் நடவடிக்கைகளில் ஆளும் பாகிஸ்தான் மக்கள் கட்சி மற்றும் நவாஸ் ஷெரீப்பின் பாகிஸ்தான் முஸ்லிம் லீக் (என்) கட்சி ஆகியவை ஈடுபட்டுள்ளன. இதற்கு கூட்டணி கட்சிகளும் ஆதரவு அளித்துள்ளன.
அடுத்தவாரம், நாடாளுமன்றத்தில் முஷாரப்புக்கு எதிராக கண்டன தீர்மானம் கொண்டுவரவும் திட்டமிட்டுள்ளன.
இந்நிலையில் முஷாரப் தானாக முன்வந்து பதவி விலகினால் அவருக்கு உரிய இழப்பீடும், பாதுகாப்பும் அளிக்க தயாராக இருப்பதாக பாகிஸ்தான் அரசு தெரிவித்துள்ளது.
தனக்கு எதிராக நெருக்கடி அதிகரித்து வருவதால் தானாகவே பதவி விலக முஷாரப் முடிவு செய்திருந்ததாக தகவல்கள் வெளியாகின.
ஆனால், அதிபர் பதவியிலிருந்து விலக முஷாரப் தற்போது மறுத்து வருகிறார். தனது மீதான குற்றச்சாட்டுக்கு எந்த ஆதாரமும் இல்லையென்றும், இதனால் தனக்கு எதிரான கண்டன தீர்மானத்தை நாடாளுமன்றத்தில் எதிர்கொள்ள தயாராக இருப்பதாகவும் அவர் திட்டவட்டமாக கூறியுள்ளார்.
பாகிஸ்தான் முஸ்லிம் லீக் (கியூ) உள்ளிட்ட தனது கூட்டணி கட்சிகளுடன் இன்று நடந்த ஆலோசனைக் கூட்டத்தில், தான் பதவி விலகப் போவதில்லை என்ற தகவலை முஷாரப் வெளியிட்டுள்ளதாக தகவல்கள் தெரிவிக்கின்றன.
| | (மூலம் - வெப்துனியா) |
| |
| | | |
|
|
|
|
|
| வார பலன் - மேஷம் : எதிர்காலம் குறித்து சில முக்கிய முடிவுகளை எடுப்பீர்கள். வெளிவட்டாரத்தில்
அந்தஸ்து உயரும். கடினமான... |
| |
|
|
|
|
 | | | குசேலன் | | முதல் பாதி இழுவை காட்சிகளை கடைசி இருபது நிமிடங்கள் சரிகட்டுகின்றன. அதிலும் நண்பனை நினைத்து அழுவது ரஜினி... |
|
| |
|
|
|
|
|
| நலம் காக்க - இரவில் ஒன்பது அல்லது அதற்கு மேற்பட்ட மணி நேரம் தூங்கும் நடுத்தர மற்றும் வயதான பெண்களுக்கு, இதயக் கோளாறுகள்... |
| |
|
|
|
|
|
|
|
